Image may be NSFW.
Clik here to view.
Bamwe mu baturage baribitabiriye ibiganiro
Umuyobozi wa Polisi mu Karere ka Gatsibo arahamagarira abatuye aka karere kurushaho kongera uruhare rwabo mu kwicungira umutekano kuko ngo aribwo bitanga umusaruro kurusha iyo babihariye inzego z’umutekano.
Polisi mu Karere ka Gatsibo iratangaza ko ubufanye bwayo n’abaturage ari bwo bufite uruhare runini mu gukumira ibyaha n’ibindi bihungabanya umutekano muri rusange.
Mu cyumweru cyahariwe Community Policing, umuyobozi wa Polisi mu Karere ka Gatsibo Supretendent Kibamba, aravuga ko kugira ibikoresho by’akazi n’ubuhanga buhambaye kuri Polisi, bigera ku ntego iyo abaturage biyumvisemo ko umutekano ubareba bagafatanya na Polisi mu kuwimakaza.
Avuga ko icyumweru nk’iki ari umwanya wo gushimangira uruhare rw’abaturage mu kubungabunga umutekano no kurushaho gutanga ibiganiro ku bantu b’ingeri zinyuranye hatibagiranye n’ibikorwa bigamije imibereho myiza y’abaturage.
Yagize ati“ibikorwa byahariwe icyumweru cya Community Policing bizibanda ku bukangurambaga ku kurwanya ibiyobyabwenge n’ihohoterwa,kwita ku isuku no kubungabunga ibidukikije by’umwihariko gutoragura amasashi no gukuraho indi myanda”.
Hazabaho kandi igikorwa cyo gutwika ibiyobya bwenge byafashwe no gushishikariza urubyiruko ku byirinda, ibi biyobyabwenge byiganjemo ahanini kanyanga na chief waragi ngo bikaba bigikomeje kuba ikibazo muri aka karere ka Gatsibo.
